(Darbaar may kehtay thay abid, Mazloom hoon may majboor nahee) x3

1. (Meray zimmay nizaam hay qudrat ka) x2 Manzoom hoon may majboor naheee

   Darbaar may kehtay thay abid, Mazloom hoon may majboor nahee

    

2. Kia tum yay samjhtay ho logo Paabund hoo'n mayn beemaari say

   Maynay to shifa islam ko di Apni beemaari ke sadqay

   Quraan may kehta hay khaaliq sakhti moqoof hay taaqat pay

   Khaaliq ki nazar may taaqat ka mafhoom hoon may majboor naheee

   Darbaar may kehtay thay abid, Mazloom hoon may majboor nahee

    

3. Kia hum par dhaakebithaanay ko tu youn aaayat sunaata hay

   Hum logo ki hee shaan may to Khaaliq nay quraan utaara hay

   Baat'on may wazan barhaanay ko wo qasmayn humari khata hay

   Mery qasmayn khaayee"n khaaliq nay maqsoom hoon may majboor nahee

   Darbaar may kehtay thay abid, Mazloom hoon may majboor nahee

    

4. Kia teray khayal mayn aiy ghaasib baazaaro'n may youn phirwa ke

   Ruswa karwayay ga hum ko Darbaar may esay bulwa ke

   Beshakenaakaam rahay ga tu Kehta hoon rab keqasam kha k

   Hum to tatheer kewaris hayn masoom hoon may majboor nahee

   Darbaar may kehtay thay abid, Mazloom hoon may majboor nahee

    

5. Yay takht o taaj humoomat mayn Khayraat may baanta karta hoon

   Khaaliq ka khalifa tehra mayn chaahoo'n to tera sab kuch lay loo'n

   Iss takht pay bhi mera haq hay Jis takht pay tu naazaa'n hay you'n

   Daadi ki tarha apnay haq say mehroom hoon may majboor nahee

   Darbaar may kehtay thay abid, Mazloom hoon may majboor nahee

    

6. Laazim hay un par haq mera jo kehtay hayn imam a.s mujhay

   Zara ghor karo iss ghasib par yay hirs o hawis ka taaba'y hay

   Insaa'n ki haidayat ki khaatir Phirta hoo'n itnay dard lyay

   Khaaliq kemehzar par khoo'n say marqoom hoon may majboor nahee

   Darbaar may kehtay thay abid, Mazloom hoon may majboor nahee

    

7. Khaaliq ka naaib hoon har ikeko rozi mayn pohanchaata hoon

   Haqdaar'on ko mayn hee un kehaq ghaasib say dilwaata hoon

   Mayn hee yay hawaayayn chalaata hoon mayn hee baarish barsaata hoon

   Meray haath mayn waqt ki saansayn hayn, makhdoom hoon may majboor nahee

   Darbaar may kehtay thay abid, Mazloom hoon may majboor nahee

    

8. Naana ka dee'n baydeeno'n ka qaidi mujh say dekha na gaya

   Khud maynay keea qaidi ban kar Waada iss ko churwaanay ka

   Waaris ko faatah e khaybar ke Zanjeeray rokesakayn geee kia

   Peeta hoon zehar masaaib ka masmoom hoon may majboor nahee

   Darbaar may kehtay thay abid, Mazloom hoon may majboor nahee

    

9. Maym kul kaainaat pay hujjat hoon rehmaan khuda ki jaanib say

   Hujjat ki waja say hee logo chalta hayn nizaam yay aalam ke

   Mayraaj pay naana pbuh ka jaana aur waqt ka thamna kehta hay

   Kaainaat ki khaatir laazim aur .malzoom hoon may majboor nahee

   Darbaar may kehtay thay abid, Mazloom hoon may majboor nahee

    

10. Mera waada bhi hay wirsa bhi Andekhay khuda ko manwaana

    Jo aqal may aa hee nahee skta Haan us khaaliq ko samjhaana

    Maqsad hay azzyyat sehnay ka tumhay seedha rasta dikhlana

    Ghayrat say jigar chalni hay mera..maghmoom hoon may majboor nahee

    Darbaar may kehtay thay abid, Mazloom hoon may majboor nahee

     

11. "Asif" Sajjad a.s yay kehtay thay.. Sajday may jo dada a.s nay kaha

Har eikeqadam par kehta hoon mayn fuzto bay rabbil kaaba

Makhlooq ki islaah ki khaatir iss tarha zulm o sitam sehna

Mera wirsa bhi hay zimma bhi . Mazmoom hoon mayn majboor nahee

Darbaar may kehtay thay abid, Mazloom hoon may majboor nahee